📢 ПОВИК ЗА ИЗБОР НА КОНСУЛТАНТ / КА

📢 ПОВИК ЗА ИЗБОР НА КОНСУЛТАНТ/-КА Краен рок за доставување понуди: 02.11.2026 СОС Детско село објавува повик за избор на консултант/-ка за ревизија на методот за пресметка на трошоците за услугата „Стручна помош и поддршка на згрижувачки семејства“, обезбедена од Центар за поддршка на згрижувачки семејства. Целта на ангажманот е да се направи сеопфатна анализа на постојниот метод за пресметка на трошоците и да се развие ревидиран, транспарентен, реалистичен и практично применлив модел за пресметка , кој ќе ги опфати директните и индиректните трошоци поврзани со обезбедувањето на услугата и ќе придонесе кон нејзино соодветно буџетско планирање и одржливо финансирање.🗓️ Предвидено времетраење на ангажманот: 20 работни дена, распределени во фази на истражувачки дизајн, финансиска и документарна анализа, квалитативно истражување, развој и валидација на методологијата и финализација на резултатите.Од кандидатите се очекува релевантно образование и најмалку 5 години професионално искуство, вклучително искуство во истражување и анализа на јавни политики, анализа и моделирање на трошоци или финансиска анализа на социјални услуги, развој на методологии и работа со повеќе засегнати страни. Заинтересираните кандидати и/или институции/организации треба да достават: писмо за изразување интерес; CV; краток опис на методологијата и пристапот; финансиска понуда; референтна листа на претходни релевантни ангажмани. 📩 Понудите се доставуваат на: 📅 Краен рок: 02 ноември 2026 година 👉 Деталните информации за предметот на ангажманот, методолошкиот пристап, очекуваните резултати и квалификациите се достапни во приложениот Terms of Reference (ToR) ToR_пресметка на трошоци За СОС Детско село СОС Детско село Северна Македонија е организација која работи во областа на социјалната заштита, детските права и поддршката на деца, млади и семејства, со фокус на зајакнување на системите за грижа, превенција и одржливи решенија за децата и семејствата.